BUTUAN CITY – Gikumpirka ni Atty. Mark Surella – election officer sa Cabadbaran City, nga nagduso og request ang mga petitioners sa ilang buhatan aron ilang i-withdrew ang ilang giduso petition for recall kang Cabadbaran City Mayor Katrina Marie Mortola.
Sa eksklusibong pakighinabi sa Bombo Radyo Butuan, gipadayag sa opisyal nga ila nang gi-forward ang maong hangyo ngadto sa ilang sentrong buhatan.
Base sa madumduman ni Atty. Surella, tumong sa pag-withdraw sa ilang reklamo mao ang pagdugang pa og mga dokumento
Gidugang ni Atty. Surella nga ang buwan sa Hunyo ning tuiga hangtud Abril sunod tuig, maoy mga buwan diin gitugot ang pagduso og mga recall petitions. Dili pa sila makahatag og update sa maong request tungod kay desisyunan pa kini sa COMELEC en banc. (Beth Ruiz)
