BUTUAN CITY – Tungod sa kawala na’y kaayuhang nadawat sa mga Cabadbaranons gikan sa ilang mga opisyal tungod usab matud pa sa sobrang pamulitika, nagduso og petition for recall ngadto sa Commission on Elections kon COMELEC batuk kang Cabadbaran Vice Mayor Rey Jamboy, ang usa sa mga botanteng si Shiela Libarios.
Sa pakighinabi ning sibyahan, gipasabot ni Libarios nga karon lang siya personal nga nagka-interest nga magduso sa maong petisyon human ang pagkuha niya og mga bug-at nga ebidensya.
Kampante si Libarios nga mulampos siya sa maong petisyon tungod kay gitun-an nila kini uban sa iyang mga abogado nga duna pa’y igong mga ebidensya.
Dako ang iyang pagpasalamat sa iyang mga ka-ubanang Cabadbaranon kinsa mibarog na aron lang makuha ang ilang gikinahanglang serbisyo gikan sa lokal nga kagamhanan.
Mahinumdumang sukad milingkod sa pwesto si Mayor Katrina Marie Mortola, wala kini nahimong proyekto tungod sa gihimong mga pagbabag usab sa grupo nila Jamboy kinsa ka-ubanan sa partido ni Agusan del Norte Governor Ma. Angelica Rosedell Amante-Matba. (Beth Ruiz)
