BUTUAN CITY – Aminado ang Pinay nga si Mera Megrinio-Castro, lumad nga taga-Valencia City, Bukidnon og karon atua na nagpuyo sa Mexico City, Mexico human naminyo og Mexicano, nga daghan pa ang wala makagawas gikan sa nahugnong six-storey office og residential building sa Bohemian La Condesa.
Ang maong kongkretong dakbalay na-flat hinungdan nga gikahadlukang ubay-ubay unya ang matalang casualties higayong matapos na ang search and rescue operations niini.
Gibutyag ni Castro nga adiser ang 7.1 magnitude nga linog, duna pa sila’y nadungog nga alarm apan tungod kay untol-untol ang pagtay-og, daghan ang wala makagawas hangtud nga nahurot og kahugno ang maong dakbalay.
Sa pagkakaron, nagtinabangay ang mga lokal nga residente ngadto sa ilang lokal nga kagamhanan sa rescue efforts gamit ang ilang available nga kagamitan.
Puno-puno usab ang ilang mga ospital tungod sa kadaghan sa mga na-angol hinungdan nga bukas pa ang ilang kagamhanan pagdawat og mga hinabang og ubang klase sa mga donasyon. (Beth Ruiz)
