Pormal nga anunsiyo mahitungod sa pagkarescue kay Fr. Soganub, anaa na sa AFP, sigon ni Dureza
BUTUAN CITY – Gipamugos ni Chief presidential peace adviser Jesus Dureza nga hulatan nalang ang pormal nga anunsiyo ni Pangulong Rodrigo Duterte o kaha sa kadagkoang opisyal sa Armed Forces of the Philippines mahitungod sa impormasyon kalabut na ni Father Teresito “Chito” Soganub.
Sigon ni Dureza sa eksklusibong pakighinabi ning sibyahan, gi-post lang niya sa iyang social media account ang iyang nadawat nga kasaligang impormasyon diin na-rescue sa tropa sa gobyerno si Fr. Soganob kauban ang usa pa ka bihag.
Apan giklaro sa opisyal nga ang AFP ang dunay katungod sa pormal nga pagkumpirma niini. Na-rescue matud pa si Soganob alas-11:00 kagabi-i dool sa Bato Mosque.
Nasayran nga napugos ang Maute group nga abandunahon ang Bato Mosque sa Marawi City, usa sa tulo ka strongholds sa kalaban nga nabawi sa gobyerno sa nakalabay nga mga adlaw, tungod sa gipahugtang operasyon sa militar sa maong lugar.
Mahinumdumang sa Mayo 23 pa sa dihang pugsanong gidagit sa Maute group sila Fr. Suganob, ang parish secretary niini ug muabot sa 10 pa ka parokyano.
