American national nga duna’y kaso sa kauluhan, nadakpan sa Surigao del Norte

BUTUAN CITY – Nasikop sa kapulisan sa Gigaquit, Surigao del Norte ang usa ka American national human gireklamong nakakomitar og kalapasan sa Anti-Violence against women and their children.

Naila ang gisikop nga si George Lindner III, 55-anyos, nagpuyo sa Purok 5, Brgy. Manobe,Gigaquit, Surigao del Norte

Ang pagsikop gihimo sa kapulisan ning mi-aging alas-nueve sa gabii sa Brgy. Mahanob sa maong lungsod.

Ang iyang pagkasikop base na sa arrest warrant nga gipagawas ni Judge Honey Grace Ebay – presiding judge RTC, Branch 194 sa National Capital Region sa Parañaque City. Dili na ma-turn over ang suspek ngadto sa kapulisan sa Parañaque City human nakapyansa og 24-mil pesos alang sa iyang temporaryong kagawasan. (Beth Ruiz)