BUTUAN CITY – Sunod-sunod nga pagtay-og ang natigayon sa Surigao provinces sukad kagabii og hangtud kaganina.
Natala ang unang pagtay-og pasado alas-11:21 kagabii dihang usa ka magnitude 4 nga linog ang mitay-og sa Siargao Island base sa pagkumpirma sa Philippine Institute of Volcanology and Seismology kon Phivolcs.
Napalgan ang epicenter niini sa gibana-banang gilay-ong 86 kilometros sa amihanang sidlakan sa Pacific Ocean nga nag-atubang sa lungsod sa General Luna sa Siargao Island, sakop sa lalawigan sa Surigao del Norte. Province.
Wala’y natalang damyos o kaha na-angol ang Surigao del Norte og General Luna disaster risk reduction and management councils thuman sa maong mga paagtay-og.
Samtang kaganinang alas-3:03 sa kaadlawon, usa ka 3.3 magnitude nga linog usab ang natala kondiin ang epicenter, nasubay sa gilay-ong 11 kilometros sa amihanang kasadpan sa lungsod sa San Miguel town, Surigao del Sur.
Duna kini giladmong 16 kilometros kansa wala magbilin og damyos o kaha hulga sa kinabuhi.
Parehong tectonic ang gigikanan sa linog og wala na’y gila-uman pang aftershock og labaw nang wala’y gi-isang tsunami alert. (Beth Ruiz)
