BUTUAN CITY – Gipinalisar pa sa Sangguniang Panlungsod ning siyudad sa Butuan ang Implementing Rules and Regulations kon IRR alang sa na-aprubahang ordinansa kalabot sa hingpit nang pagpatuman sa smoking ban. Kini base na usab sa mando ni Pangulong Rodrigo Duterte alang sa nationwide implementation sa maong ban.
Gibutyag ni Eldy David – information officer sa Butuan City government, nakadetalye sa IRR ang mga dos and don’ts ilabina ang mga lugar nga gi-designate isip smoking area partikular sulod sa mga business establishments.
Higayong mugawas na ang IRR, makig-alayon gilayon ang lokal nga kagamhanan ngadto sa mga hingtungdang ahensya sama sa Department of Health partikular ang City Health Office isip implementing arm niini, ingon man ang Bureau of Internal Revenue kon BIR og uban pa, aron mutabang pagpasabot sa mga etablisamiento kalabot niini. (Beth Ruiz)
