BUTUAN CITY – Wala’y kabag-uhang nabantayan ang mga overseas Filipino workers kon OFWs nga atua sa South Korea human ang hydrogen bomb test nga gihimo sa North Korea.
Kini ang reaksyon ni Joy Enrique-Lee, lumad nga taga-Buenavista, Agusan del Norte og permanent resident na sa Gwangju, South Korea.
Sa eksklusibong pakighinabi ning sibyahan, gipadayag ni Lee nga wala sila’y nabantayan sa pinaka-ulahing test nga gihimo sa Pyongyang tungod kay wala sila makamatikod nga gilinog sila tungod sa kakusog sa impact sa maong bomb test.
Nasayrang ang Gwangju usa ka siyudad sa southwest corner sa South Korea.
Naila kini sa ilang pro-democracy uprising niadtong tuig 1980 og ang maong kalihukan, mahandom pinaagi sa 5·18 Memorial Park, nga duna’y tulo ka linyang agi-anan og dramatikong mga bronze sculptures, ingon man 5·18 National Cemetery.
Sigon ni Lee, na-anad na ang mga tawo sa binuhatan sa North Korean ilabina nga nagpa-pansin lang matud pa ang lider sa Pyongyang nga si Kim Jong-un. (Beth Ruiz)
