-- ADVERTISEMENT --
BUTUAN CITY – Padayon pang gipangita ang usa ka lalaking natagak sa kadagatan sa lungsod sa Taganaan, Surigao del Norte samtang sakay sa pump boat dihang pauli na unta sila gikan nag-night swimming.
Gi-ila ni Taganaan Association of Barangay Captains kon ABC President Marvin Tapuyo ang na-missing nga si Noel Palomo, residente sa Brgy. Patinio sakop sa maong lungsod.
Gika-ingong nag-night swimming matud pa ang maong grupo sa may Sagisi Beach sa may Brgy. Cawilan.
Dihang pa-uli na sila pagka-kaadlawon, namatikdan nga wala na sa iyang gilingkuran sa likod nga bahin sa pump boat ang biktima hinungdan nga gitu-uhang nahulog kini. (Beth Ruiz)
