(pictures courtesy of Bryan Galaraga)
BUTUAN CITY – Gikagubtan karon sa social media dinhi sa Caraga Region ang usa ka binuhing kanding sa may Brgy. Libuac, lungsod sa Rosario, Agusan del Sur tungod sa daw tawong mga kinihukan niini.
Padayong misaka ang mga nag-likes sa gi-post nga mga hulagway og video sa maong kanding nga ginganan og Santino og Dong tungod kay makamao matud pa kining musulti og pipila ka mga pulong.
Sigon ni kanhi Kagawad King Perales, sukad matud pa kini gisagop sa magti-ayong wala’y anak, kanunay na kining gi-bottle feed gawas nga gipakaon na kini permi og karne, noodles, kan-on og ubang sud-an sa tawo hinungdan nga dili kini mukaon og sagbot.
Kanunay usab kining istoryahon sa magti-ayon hinungdang makamao mulitok og pipila lang ka mga pulong.
Makamao usab kining mangayo og sigarilyo og kape, softdrinks og beer butang nga mas malingaw ang mga tawong mutan-aw kaniya. (Beth Ruiz)
