BUTUAN CITY – Gi-agni ni Sultan Gamal Amerol, sultanate of Muslim Community sa Caraga ang tanang kaigsoonang Muslim nga epangamuyo ang hinanaling rehabilitasyon sa Marawi City, ning adlaw sa selebrasyon sa Eid al-Adha.
Sa pakighinabi ning sibyahan, gibutyag ni Sultan Amerol nga dili lang kabobot-on sa tawo ang pagkaguba sa siyudad nga naka-apektu sa daghang kinabuhi sa inosenteng sibilyan kondi sa Dios.
Maluwas lang matud pa ang mga apektadong ibdibidwal sa himoong rehabilitasyon sa gobyerno pinaagi ni Pangulong Rodrigo Duterte.
Gi-awhag usab niini ang tanan nga puy-an ang maayong gitudlo sa Eid al-Adha o pista sa sakripisyo. Sumala pa sa sultan ang sakripisyo usa ka pamaagi aron makab-ot ang kalinaw.
Karung adlawa atol sa maong kasaulogan, laumang mag-sermon ang tanang Imam sulod sa mga Mosque . (Rolan Janea)
