-- ADVERTISEMENT --
BUTUAN CITY – Gibana-banang mukabat sa 600-mil pesos ang gibiling damyos sa dakong sunog nga natigayon sa may Purok 5, Brgy. Bading ning siyudad kaganinang buntag nga mi-abo sa walo ka mga panimalay samtang laing duha ang partially burnt.
Sa pakighinabi ning sibyahan, gibutyag ni SFO4 Rodrigo Canton sa Bureau of Fire kon BFP-Butuan nga wala’y natalang na-angol o kaha nakabsan sa kinabuhi sa kapin usa ka oras nga sunog.
Pito ka mga firetrucks ang mitabang pagpalong sa kalayo hinungdan nga nadeklara kining fireout adiser ang alas-11:30 sa sayong udto.
-- ADVERTISEMENT --
Apil sa mga nasunugan mao sila Antonio Gumas-as, Alberto Ramonida, Myrna Puspos, Edgar Ciscon, duha ka mga balay sa pamilya Lingatong og usa sa pamilya Tandoy. (Beth Ruiz)
