BUTUAN CITY – Ipasaka na ang tukmang kaso karung adlawa pinaagi sa inquest proccedings batuk sa duha ka suspetsado nga nasikop sa buybust operation sa niaging alas una sa hapon sa may Purok Kalipayan, Barangay Washington, Surigao City.
Kini human usab nga nagpositibo sa pag-gamit sa ilegal nga drugas ang mga suspek nga sila Rex Trigo, 37-anyos, menyu ug Mark Anthony Zape, 36-anyos, olitawo ug parehong residente sa maong dapit.
Sigon ni Dindo Abellanosa, tigpamaba sa Philippine Drug Enforcement Agency kon PDEA-caraga, naka-ikyas usab sa maong operasyon ang alyas Waray nga kasamtangan karung gipangeta.
Nakumpiska sa otoridad ang 4 ka sachet sa gitoohang shabu punto dos gramos nga mobalor sa usa ka libo ka pesos.
Gibutyag pa ni Abellanosa nga taod-taod nang namonitor sa kapulisan ang nasangpit nga mga suspetsado hangtud nga nahulog kini sa mga kamot sa otoridad.
