BUTUAN CITY – Walay pagduha-duhang gipahayag ni Ozamiz City Chief Insp. Jovie Espinido nga death penalty ang gusto niyang silot sa mga narco-politicians.
Sigon ni Espinido sa eksklusibong pakighinabi ning sibyahan, silot kamatayon ang angay nga ipahamtang sa mga nagserbisyu sa kagamhanan nga nagpahimulos sa posisyon pinaagi sa pagprotekta sa ilegal nga drugas.
Apan giklaro sa opisyal nga ang Ginoo gihapon ang magboot sa kinabuhi sa tawo. Kini ang rason usab nga dili siya mahadlok sa mga hulga sa iyang kinabuhi.
Samtang gitin-aw ni Espinido nga hangtud sa pagkakarun, wala pa siya’y nadawat nga official order sa iyang bag-ong assignement sa Ilo-ilo city.
Apan gipahayag niini nga andam siyang musunod bisan asa pa siya ibutang tungod kay kabahin kini sa mandatu isip pulis opisyal.
Gi-angkon usab ni Espinido nga bisan asang lugara siya mabutang, duna kini hagit nga nagpaabot kaniya tungod kay dili mawala ang problema nga angayang hatagan ug pagtagad kanilang mga pulis.
Alayon niini, gipadayag ni Espinido nga dako ang papel sa mga sibilyan diha sa pagsumpo sa illegal nga drugas dungan sa pagbutyag nga sibilyan usab ang labing apektado niini
Nasayrang si Espinido, lumad nga taga San Miguel, Surigao Del Sur og nahimong kontrobersiyal human sa pagkapatay ni kanhe Albuera, Leyte Mayor Rolando Espinosa ug Ozamiz City Mayor Reynaldo Parojinog Sr.
