BUTUAN CITY – Laing drug personality na usab ang patay human matud pa misukol sa mga pulis atol sa gipahigayong buy bust operation ning mi-aging alas-11:50 sa gabii didto sa Purok 3B, Barangay 1,lungsod sa San Francisco, lalawigan sa Agusan del Sur.
Naila ang napatay nga si Edgardo ‘Gaygay’ Dolaogon, 39-anyos, ulitawo og residente sa Purok 2C, Barangay 1, sa susamang lungsod.
Gika-igong nakipagtransaksiyon ang drug surrenderee sa nagpakaron-ingnong civilian agent ug dihang nahibaluan niining aduna kini’y kauban nga mga pulis mingbunot kini sa iyang armas dayong pabuto apan na-unhan sa abtik nga mga pulis hinungdan sa iyang kamatayon.
Nakuha sa maong suspetsado ug lugar sa nahitabuan ang usa ka kalibre .38 nga revolver nga duna’y tulo ka gitira nang cartridge cases, usa ka buhing bala og usa ka gitira nang cartridge case sa 9mm nga pistola, duha ka sachets sa gidudahang shabu nga gibana-banang nagkantidad og 11-mil, 800-pesos; 500-pesos nga buy must money og mga shabu paraphernalia. (Beth Ruiz)
