BUTUAN CITY – Bisan paman sa gipakitang suporta, gipadayag ni Kapitan Amora nga daw wala nasolbad ang problema sa droga sa lakang nga pag-uktaba sa Barangay og SK Elections.
Pasabot pa niini, gilugwayan lang ang panahon sa mga barangay officials diha sa gahum sa matag barangay tungod kay extended man ang ilang termino sa panerbisyu human gi-uktaba ang piniliay karung Oktubre 23.
Nanghinaot nalang si Amora nga maka-abot ang nasangpit nga panglantaw ngadto kang Pangulong Rodrigo Duterte.
Una nang gipahayag ni Atty. Ed Abesamis, national president sa nasangpit nga kahugpongan, sa pakighinabi sa Bombo Radyo nga misuporta sila sa maong inisyatiba sa mga magbabalaod tungod kay nagtuo kini nga dako kini’g matabang ngadto sa kampanya sa gobyerno batuk sa ginadiling drugas.
Sigon niini nga importante ang maong postponement sa election alang sa paglimpiyo sa mga barangay nga nagtunhay pa gihapon ang iligal nga drugas ug mismong mga opisyales niini ang nalambigit pa.
Masaligon usab kini nga wala matud pa’y nalapas sa constitution ang maong lakang tungod kay ang Kongreso man mismo maoy nanghingusog niini.
Mahinumduman nga una nang gi-uyunan sa majority sa mga miyembro sa lower house sa kongreso ang postponement sa una nang gikatakda nga October 2017 Barangay and SK Elections ngadto na sa Mayo 2018 samtang magbaton ug hold-over capacity ang mga incumbent barangay officials.
