BUTUAN CITY – Nagpadayon ang pursuit operations sa militar ngadto sa gibana-banang 400 ka mga nanibat nang mga rebeldeng New People’s Army (NPA) human nagpabusikad og upat ka mga eksplosibo og nag-checkpoint kagabii sa Brgy. Pongtod, lungsod sa San Miguel, Surigao del Sur.
Sa eksklusibong pakighinabi sa Bombo Radyo, gipadayag ni P/Insp. Dominique Pareño -officer in charge sa San Agustin Municipal Police Station, nga duha ka mga sibilyan ang angol sa pagpabusikad sa mga rebelde og upat ka mga improvised explosive device kon IED pasado alas-10:15 kagabii nga gisundan pa nila sa usa ka oras nga road blockade sa tulay sa maong barangay og pagsunog sa mga ligid.
Ang gihimo matud pa sa mga rebelde, usa ka pagpangilkil dungan sa pagklaro nga wala’y natigayong engkwentro. (Beth Ruiz)
