BUTUAN CITY – Gipasidunggan ang kapulisan sa Caraga isip Best Regional Police Strategy Management Unit kon RPSMU sa tibook nasud.
Mismong si Pangulong Rodrigo Duterte ang naghatag sa maong award sa Police Regional Office kon PRO-13 sa Camp Crame, Quezon City kaganina.
Sigon ni Caraga Police Director, P/C/Supt. Rolando Felix, si P/S/SUPT Jimili L Macaraeg, Regional Chief sa Directorial Staff ug Chief sa RPSMU-13 ang nidawat sa pasidungog atol sa 116th PNP Service Anniversary sa karun nga tuig ubos sa temang “Buhay ng Pulis Handang Ibuwis para sa Katahimikan at Kaayusan ng Bayan”.
Alayon niini, gipasalamatan ni Felix ang RPSMU 13, PNP Caraga Technical Working Group ug the Regional Advisory Council nga mahinungdanong naka-tampo sa maong kamapusan.
Ang RPSMU-13 mao ang responsable sa pagpatuman sa nagpadayong transformation program nga gibansagang PNP P.A.T.R.O.L. Plan 2030 pinaagi sa pagpalig-on sa tanang strategy management processes, pagsustinar sa execution and management, ug pagsilsil sa organisasyon sa culture of strategic focus sa rehiyon. (Rolan Janea)
