BUTUAN CITY – Gi-andam na ang tukmang kasong ipasaka batuk sa usa ka barangay kagawad og usa ka aktibong pulis kinsa nadakpan atol sa gilusad nga anti-illegal drug operations sa mga sakop sa Philippine Drug Enforcement Agency kon PDEA-Agusan del Sur og sa kapulisan sa lungsod sa Rosario sa maong lalawigan.
Mukabat sa 11-gramos nga gidudahang shabu kansa gibaba-banang nagkantidad og 129-mil pesos ang nakumpiska sa operasyong gilusad sa maong lungsod.
Nadakpan sa maong operasyon si Marivic Quitos, 42-anyos, residente og kagawad sa Brgy. Bayugan 3 sakop sa maong lungsod kinsa nalista nga high value target level 2 isip user.
Sa gilusad usab nga follow-up operations batuk sa misibat nga pulis nga si SPO1 Azul Torillo, 38-anyos og residente sa Purok 6, Brgy. Canlanipa, Surigao City, mitahan na kini hinungdan nga pareho silang gikostudiya sa Rosario Municipal Police Office.
Nalista si Torillo isip high value target level 2 isip pusher. (Beth Ruiz)
