BUTUAN CITY – Gihatagan ug grado nga 8 pataas sa mga mining companies dinhi sa rehiyon sa Caraga ang ikaduhang State of the Nation Address ( SONA ) ni Pangulong Rodrigo Duterte kagahapong adlawa.
Sa pakighinabi ning sibyahan, gibutyag ni Ryan Anthony Culima, Vice – President for Communication sa SR Metals Inc., nga 8.5 to 9 ang iyang gihatag nga grado sa Pangulo tungod kay iya matud pang nakita ang mga major accomplishments niini bisan paman sa ka-mubo pa lamang sa panahon nga milingkod kini isip presidente sa nasud.
Usa matud pa sa iyang gikaangayan ngadto sa Pangulo mao ang pagka-decisive niini, adunay political – will ug objective – driven sa iyang mga plano.
Gi-uyunan ug gikalipay usab niini ang tinguha sa pangulo nga responsible ug sustainable mining alang sa mga mining companies.
Gani dili matud pa kini babag sa operasyon sa ilang minahan tungod kay sukad kaniadto, dugay naman sila nga compliant niini. (Rolan Janea)
