Publiko, gipahimangnuan sa CHED-Caraga batuk sa mga higher institutions nga dili accredited sa ilang buhatan

BUTUAN CITY – Gipahimangnuan sa Commission on Higher Education kon CHED-Caraga ang publiko nga dili magpa-ilad sa mga higher institutions nga naghanyag og kurso o mga programang dili accredited sa ilang buhatan.

Sigon ni Engr. Ramil Sanchez – information officer sa maong buhatan, nakadawat siya og mga reklamo kalabot sa maong mga tunghaan ilabina kadtong atua sa mga lagyong dapit sama sa lalawigan sa Surigao del Sur og Agusan del Sur.

Sigon sa opisyal, kinahanglang tan-awon sa mga magpa-enrol kung permit gikan sa CHED o kaha girekognisa sa gobyerno ang kursong ilang gihanyag.

Kini tungod kay dili ilhon sa ilang ahensya ang mga mugradwar sa tunghaang dili accredited sa ila. (Beth Ruiz)