BUTUAN CITY – Maglusad og libreng operasyon sa cyst kon bukol sugod ning semanaha og sa musunod pang mga semana, si Dr. Virgilio Nery Jr., medical consultant sa Bombo Medico 2017 sa Bombo Radyo Butuan.
Kini aron ma-accomodate ang tanang na-eksamin niyang mi-avail sa cyst screening atol sa Bombo Medico 2017 kagahapon.
Sa pakighinabi ning sibyahan, giapdayag sa maong surgeon nga PhilHealth card lang ang dalhon sa magpa-opera aron matangtang ang ilang bukol.
Gibutyag ni Dr. Nery nga sa pito ka mga pasyenteng iyang na-operahan kagahapon, mugasto matud pa sila og tag-7 mil pesos matag-usa kung didto kini gihimo sa operating room hinungdan nga mu-abot sa 49 ngadto sa 50-mil pesos ang na-save sa pito ka mga pasyente.
Kini dakong tabang na matud pa sa na-operahang mga pasyente tungod kay bisan og 7-mil pesos lang ang gastuhon, daghan gihapon ang dili makapa-opera tungod sa ilang ka-apiki sa kwarta. (Beth Ruiz)
