BUTUAN CITY – Gi-organisa karon sa Mindanao State University kon MSU-main campus sa Marawi City ang MSU-Marawi Help Group aron mutabang sa mga taga-MSU Marawi nga namakwit tungod sa kagubot nga gisabwag sa Maute terror group.
Sigon ni Violita Hunt – dean sa College of Public Affairs sa maong unibersidad, sila ang nanguna niini og ang gitutukan mao ang mga home-based evacuees nga mga empleyado og estudyante sa maong tunghaan og dili kadtong anaa sa mga evacuation centers.
Gipasabot sa opisyal nga partikular nilang tutukan ang mga Maranaos nga dili ganahang mag-istar sa mga evacuation centers og mas gipiling mupuyo sa panimalay sa ilang mga kabanay og mga higala.
Ang ilang relief team maoy nag-monitor sa nasangpit nga mga bakwit aron maseguro nga mapadulong sa insaktong mga evacuees ang ilang itunol nga mga relief assistance.
Samtang giklaro sa opisyal nga sunod buwan pa ang enrolment alang sa unang semester sa school year 2017-2018 kondiin sa Agusto usab ang pagbukas sa klase.
Hinuon giklaro sa opisyal nga formalization na lang ang matigayong enrolment tungod kay kadaghanan sa ilang mga estudyante, mga pre-enrolled na. (Beth Ruiz)
