BUTUAN CITY – Tingkagol sa bilangguan ang driver sa usa ka bus human mibangga sa iyang gimanehuang yunit ang motorsiklong gisakyan sa duha ka mga pulis hinungdan sa ilang hinanaling kamatayon.
Na-ila ang mga biktimang sila PO1 Johnson Warquez, 24-anyos, ulitawo og residente sa Purok 2, Brgy. Alingilan, Sangay sa Camiguin Island og PO1 Arden Aguisanda, 32-anyos, residente sa Pototan, Iloilo City og parehong na-assign sa Regional Police Holding and Accounting Unit (RPHAU) sa Police Regional Office (PRO) 13.
Samtang ang suspek usab na-ilang si Jovito Garcia, 47-anyos, minyo og residente sa Purok 4. Km. 5, Davao City.
Sigon sa imbestigasyon sa mga sakop sa Butuan City Police Station 4, padulong na unta sa dakbayan Butuan ang mga biktima apan pag-abot nila sa kurbadang bahin sa Camp de Oro sa Brgy, de Oro ning siyudad, nakasugat nila ang bus unit sa Bachelor Express Inc. hinungdan sa ilang pagkalabay.
Gidala pa sila sa ospital apan gideklarang dead on arrival sa attending physician. (Beth Ruiz)
