BUTUAN CITY – Balhog sa karsel ang duha ka mga hubog human kini aktong nasapon nga naghilawas sa sa usa ka beach ning siyudad sa Butuan.
Na-alarma ang mga nangaligo sa Masao Beach sa may Purok-1, Barangay Masao ning dakbayan, sa dihang nakita nila ang babae ug lalaki nga naghilawas diha sa publikong lugar.
Dali nila kining gisumbong sa mga barangay officials nga mi-arangkada gilayon ug gisikop ang duruha ka indibidwal nga nailang sila Roger Pilar, 46-anyos, ulitawo, usa ka dispatcher nga taga P-7, New asia, Port poyohon ug Aileen Bongato, 37-anyos, adunay kapuyo nga taga Langihan Road, Limaha parehong sakop ning siyudad.
Nasayrang nagkasinabot ang duruha nga mudalikyat sa maong beach aron mag-inum, apan sa dihang pareho na kining nalango sa binong makahubog, walay pagduha-duha kining naghilawas diha sa publikong lugar bisan ug daghang tawo ang nakakita kanila.
Sa karon, gikustudiya na sa Butuan City Police Station-3 ang mga suspetsado samtang gitun-an ang kasong atubangon sa mga niini. (Mon Aplaya)
