BUTUAN CITY – Gipa-ilalom na sa tactical interrogation sa Veruela Municipal Police Station ang nadakpang tulo ka mga rebeldeng New People;s Army kon NPA samtang gi-andam na ang kasong ipasaka batuk kanila ngadto sa korte sa Veruela, Agusan del Sur.
Kini human malampusong nasikop sa combat maneuvering troops sa 26th Infantry Battallion ang armadong mga lalaki didto sa Brgy. Sta. Maria, sa maong lungsod.
Naila ang mga nadakpan nga sila Bernie Perez, alias “Ka Ariel”; Joel Perez, alias “Ka Jo” og Nino Perez, alias “Ka Onin” parehong membro sa Guerilla-Front Committee 3 sa CPP-NPA Southern Mindanao Regional Committee.
Nakuha gikan naila ang mga war materials sama sa duha ka mga improvised explosive devices (IEDs) nga duna’y blasting caps og mga wires, usa ka M16 Armalite rifle, usa ka M1Garand rifle, usa ka caliber .45 pistol, og usa ka caliber .38 revolver nga duna’y daghang rounds sa nagkada-iyang bala.
Migawas sa pagsusing gihimo sa mga intelligence operatives og sa Philippine National Police nga si Bernie Perez, duna’y standing warrant of arrest sa sala nga pagpatay. (Beth Ruiz)
