BUTUAN CITY – Posible matud pa nga duna’y pagtay-og ilawom sa dagat, hinungdan nga luya nang nagpabaybay sa Purok 8, Brgy. Lumbucan ning siyudad ang usa ka samaron nga oar fish.
Kini ang panglantaw ni Richard Chong sa Bureau of Fisheries and Aquatic Resources kon BFAR-Caraga sa eksklusibong pakighinabi sa Bombo Radyo.
Gibutyag niining tungod sa nadisturbong palibot sa iyang habitat nga posibleng mugna sa kusog nga sulog sa dagat o kaha pagtay-og ilalom sa yuta hinungdan nga mi-migrate kini sa laing parte sa dagat nga lahi sa iyang na-andan ilabina ang temperature resulta sa iyang luya na nga pagkapadpad sa baybayon.
Ang maong isda gibana-banang duna’y gitas-ong 12 ka tiil og 9-kilos ang gibug-aton.
Nagdesisyon ang opisyal nga buhian ang maong isda tungod kay buhi pa man kini.
Kung asa na matud pa kini ma-abtan sa iyang kamatayon, hayan didto na usab kini ilubong. (Beth Ruiz)
