BUTUAN CITY – Mukabat sa 10-mil ka mga family food packs ang nahatud sa Department of Social Welfare and Development kon DSWD-Caraga ngadto sa Iligan City alang sa mga gihikling nga indibidwal gikan sa Marawi City nga apektado sa pag-atake sa Maute group.
Sa pakighinabi ning sibyahan, gibutyag ni Eunice Montaus, tigpamaba sa maong rehiyunal nga ahensya, nga sulod sa food packs ang pipila ka kilong bugas, canned goods og kape.
Nagpa-abot pa sila og impomrasyon kung unsa pa ang panginahanglanon nga angayan nilang mapadala aron ilang ma-augment na usab ugmang adlawa dungan sa paghatud unya nila sa mga hygiene og mga dignity kits nga duna’y apil nga habol og malong.
Nakig-alayon na sila sa mga personahe usab sa DSWD-Autonomous Region for Muslim Mindanao kon ARMM og sa Cagayan del Oro City aron ma-usa ang ilang record sa hatagan og mga food packs.
Gidugang pa sa opisyal nga daan nang nakahatod og mga ayuda ang ilang sentrong buhatan pinaagi sa DSWD-Region 7 nga maoy gitahasan paghatud niini tungod kay sila ang pinakaduol nga operation center sa Mindanao.
Gidugang sa opisyal nga kung mas mugrabe pa ang sitwasyon sa Marawi City, duna pa sila’y igo nga standby fund og gawas pa kini sa daghang mga grupo og mga tawong nagpa-abot usab sa ilang ayuda. (Beth Ruiz)
