-- ADVERTISEMENT --
BUTUAN CITY – Padayon pang gi-ila sa kapulisan sa Butuan City Police Station 1 kon BCPS-1 ang identity sa usa ka babayeng napalgan nang patay nga naglutaw-lutaw sa Agusan River pasado ala-11:30 kagahapon sa sayong udto.
Ang biktimang napalgang naglutaw dapit sa Purok 6, Brgy. Bit-os ning siyudad nagsuot og puti nga t-shirt og naka-shorts og maong, kulot ang buhok og duna’y gitas-ong upat ka tiil og lima ka pulgadas.
Napalgan kini ni Randy Signar, taga-Purok 6 sa susamang barangay dihang nangahoy kini sa maong suba kondiin naalaan pa niya kining usa lang ka maniquin. (Beth Ruiz)
