BUTUAN CITY – Aminado si Dr. Habib Macaayong – presidente sa Mindanao State University (MSU) Marawi City campus, nga nalangay ang pagpa-uli sa pipila sa ilang mga estudyanteng nag-summer class tungod sa kagubot nga mugna sa Maute group.
Sa eksklusibong interview sa Bombo Radyo, gipadayag ni Dr. Macaayong nga ang kawala na’y masakyan ang hinungdan nga wala gilayon maka-uli ang ilang mga estudyante human gigamit ang mga de pasaherong sakyanan paghikling sa mga residente.
Apil sa ilang gihimo ang paggamit sa gipahulam kanilang sakyanan uban sa duha ka mga mobile cars sa MSU security guards aron mahatud ang ilang mga estudyante sa Iligan City bisan og duna’y problema sa dagan sa trapiko.
Sigon sa opisyal, kadaghanan sa ilang mga estudyanteng duna’y summer class nakauli na gawas lang sa mga duna pa’y final exam og mga requirements nga kinahanglang tapuson.
Nagpabiling normal karon ang sitwasyon sa maong unibersidad. (Beth Ruiz)
