BUTUAN CITY – Suportado sa Moro National Liberation Front kon MNLF ang mga programa sa administrasyong Duterte apil na niini ang pagdeklara ni Pangulong Rodrigo Duterte og 60 ka adlaw nga martial law sa tibuok pulo sa Mindanao.
Sa eksklusibong pakighinabi ning sibyahan, gipadayag ni General Hajji Benkhali Shariffa – Vice Chief of Staff sa Bangsamoro National Armed Forces sa MNLF, andam silang musuporta sa ground ngadto sa lakang sa gobyerno ilabina nga suportado kini sa ilang founding chairman nga si Nur Misuari.
Giklaro pa sa opisyal nga wala sila’y membro nga milambigit sa grupong Maute og sa uban pang grupong gigukod sa kagamhanan.
Kini tungod usab sa selyado nang final peace agreement kondiin kanunay nga mag-istoryahay sila Misuari og Pangulong Duterte subay sa dugay nang gitinguhang kalinaw alang sa Mindanao ingon man sa ekonomikanhong kalambuan sa tibuok nasud. (Beth Ruiz)
