BUTUAN CITY – Nanawagan si Lt. Col. Rico Amaro – battalion commander sa 30th Infantry Battalion, Philippine Army sa katawhang Filipino ilabina sa mga Mindanaoans nga dili angayang mabalaka sa pagpa-ilalom ni Pangulong Rodrigo Duterte sa pulo sa Mindanao sa 60 ka adlaw nga martial law.
Sa eksklusibong interview sa Bombo Radyo, gipadayag sa opisyal nga angayan kining dawaton sa katawhan tungod kay alang man kini sa kaluwasan sa tanan og arn mamintina ang kahan-ay og kalinaw sa mga lungsod sa Caraga Region sa ingon dili madamay sa kagubot sa ubang parte sa Mindanao.
Sa ilang han-ay sa 30th IB partikular sa Surigao del Norte og Dinagat Island provinces, gipaneguro ni Col. Amaru nga magpadayon ang ilang internal security operations apil na ang ilang peace and development effort sa mga kalungsuran og ang ilang ka-andam nga tubagon ang panginahanglan sa katawhan.
Apil sa gipaneguro sa opisyal ang pagpatuman sa rule of law og pagrespeto sa tawhanong katungod. (Beth Ruiz)
