BUTUAN CITY – Hugot nga gisupak sa progresibong grupo nga Gabriela-Caraga ang sugyot nga National ID System sa nasud.
Sigon ni Atel Hijos, dugay na silang supak sa national ID System tungod kay dili kini ang solbad sa daghang kriminalidad. Dili na matud pa kinahanglan ang national id system tungod sa kadaghan na nga mga Identification gikan sa gobyernong ahensiya sama sa Comelec, Postal ID ug SSS.
Dugang pa ni Hijos nga tungod sa maong ID system, mahilabtan ang pinaka-pribado nga impormasyun sa tawo. Gawas pa kini sa dakong gasto na usab sa gobyerno ug sa tawo.
Gitumbok ni Hijos nga duna pay mas angayang hatagan ug pagtagad og bu-bu-an sa maong pondo alang sa kalambuan sa katawhan.
Nasayrang ang sugyot balaodnon nga National ID System, , gi-aprubahan na sa komite sa kamara.
Tumong matud pa niini nga mapadali ang pag-trace ug malikayan ang mga terorista o mga kriminal nga mosulod sa usa ka lugar.
