-- ADVERTISEMENT --
BUTUAN CITY – Gideklarang drug free municipality ang lungsod sa Tubod, Surigao Del Norte.
Nasayrang kini ang pinaka-unang deklarasyong gihimu sa rehiyon sa Caraga ngadto sa usa ka lungsod nga dunay 9 ka mga barangay, nga gawasnon na sa illegal nga drugas.
Gisugdan ang maong kalihukan sa usa ka unity walk diin gilibot ang tibook poblacion sa mga stakeholders, drug surrenderees ug mga opisyales sa probinsiyal nga kagamhanan soot ang t-shirt nga dunay tatak nga “Tubod, Surigao Del Norte, Say No To Drugs”.
Sa pormal nga programa, gideklarang drug free municipality ang nasangpit nga lungsod ni Philippine Drug Enforcement Agency kon PDEA-Caraga regional director Gilbert Buenafe.
