BUTUAN CITY – Kasong reckless imprudence resulting to homicide ang atubangong kaso sa driver sa usa ka de-pasaherong dyip human niini nabanggaan ang usa ka motorsiklo didto sa Brgy. Amparo ning siyudad nga miresulta sa kamatayon sa usa ka bayong-bayong.
Gi-ila ni P/Insp. Joel Amado ang suspek na si Roberto del Paña samtang ang nakabsan sa kinabuhi nailang si Reymar Amante, 16-anyos, og residente sa Purok 3, Brgy. Bitan-agan ning siyudad samtang ang driver gi-ilang si Antonio Lumocso-Buyan.
Gika-ingong mi-angkas matud pa ang minor-dedad sa usa ka motorsiklo padulong unta sa sentrong bahin sa siyudad dihang nakasugat nila ang dyip nga gitu-uhang kusog ang dagan tungod kay mibangga pa kini sa usa ka abandonadong balay human sa insidente.
Nakig-alayon na kanila ang operator sa dyip samtang padayon pa ang ilang pakig-alayon sa kabanay sa namatay’ng biktima. (Beth Ruiz)
