BUTUAN CITY – Daghang minahan ang nalipay sa pagka-reject sa appointment ni Gina Lopez isip DENR secretary.
Sigon ni Dolmar Riagas, presidente sa chamber of mines sa Caraga Region, bisan ug nasubo siya sa pagbabag sa Commission on Appointment kon CA kang Sec. Lopez, mas daghang kompanya sa mina ang nagsadya niini ilabina kadtong na-isyuhan ug closore order.
Sigon ni Riagas, dili kwalipikado si Lopez sa maong posisyon tungod kay wala kini nakahuman ug 4-year course ug walay kasinatian usab sa pagmina.
Gihimu matud pa ug personal ang disesyun niining pagpasira sa ubang minahan ug wala man lang gikonsidera ang pagka-angkla niini sa batakang balaod.
Gipamugos pa niini nga daotan ang open pit mining bisan ug naka-comply kini sa mga clearances sa gobyerno.
Gane dunay mga regulatory bodies nga nag-validate sa operasyon.
Aminado usab kini nga dunay magubang parte sa kinaiyahan sa operasyon sa pagmina.
Apan lakip matud pa sa rikisitos ang pagdeposito ug milyones pesos diha sa bangko aron dunay magamit sa rehabilitasyon sa lugar nga gihimo.
Gitawag pa ni Riagas nga most expensive secretary si Lopez dayung tumbok nga miabot sa 3.5 milyones pesos ang nagasto niini sa pagbisita dinhe sa Caraga.
Gikuwestiyon usab niini ang gi-require nga dos milyones pesos nga trust fund sa kompaniya nga alang matud pa sa mga na-apektuhang maguuma.
Sumala ni Riagas, walaY legal basis ang maong kamanduan ug walay maguuma usab sa dapit nga giminahan.
Samtang gipayahag usab niini nga kung nadayun pa ang pagpasira sa mga nasangpit nga kompaniya, magkapuliki matud pa si Lopez sa pag-atubang sa ilang ipasakang mga kaso.
