BUTUAN CITY – Gipaabot nalang sa kampo ni kanhe Butuan City Mayor Ferdinand Amante Jr ang gihaong motion for re-open investigation sa gi-atubang nga kasong Anti-Graft and Corrupt Practices Act sa Mayor.
Sigon ni Atty. Froilan Montero, legal council ni Amante, nga sa dihang nadawat nila ang resolusyun gikan sa Office of the Ombudsman diin nakalatid ang nakitang probable cause sa maong kaso may kalabutan na sa pagdawat sa donasyong 2003 Mobile Siemens Biograph Duo Positron Emission Tomography-Computerized Tomography kon PET-CT scan machine gikan sa World Medical Relief, Inc. (WMRI), gelayon silang nagduso ug motion for re-open investigation.
Pasabot pa ni Atty. Montero nga dunay 2 ka samang kaso ang gipasaka sa Ombudsman apan nabasura na ang usa niini hinungdang walay rason nga kini mapursige.
Kung nabasura matud pa ang kasong gi-atubang sa mga Sanguniang panglungsod ug sa bise mayor, may kalabutan sa maong hisgutanan, walay rason usab nga dili mabasura ang kang kanhe Mayor Amante.
Pagduda nalang sa abogado nga na-overlook ra kini sa ombudsman.
Malaumon nalang ang kampo ni Amante nga ma-dismiss ang nasangpit nga kaso kangsa gikonsidera pa niining pinakasayun nilang gi-atubang nga reklamo.
Kini tungod usab sa pasalig sa World Medical Relief, Inc. (WMRI), nga andam silang mobayad sa nagasto sa siyudad sa maong transaksiyun nga nagkantidad ug halos 15.5 milyones pesos human gi-uli ang PET-CT scan machine.
Gane sa mga musunod nga adlaw, magbayad na matud pa ang maong foundation sa kantidad nga nagasto, didto sa korte.
