BUTUAN CITY – Dako ang tsan-sa nga mahimong DENR Sec. si Atty. Mark Tolentino, ang chairman sa Agusan Del Norte council sa PDP-Laban isip puli ni Sec.Gina Lopez.
Sigon ni Manny Lumanao, chairman sa PDP-Laban-Caraga, qualified si Tolentino sa posisyon sa pagka-kalihim.
Gipasabot pa ni Lumanao nga bisan niadtong wala pa hingpit na-reject si Lopez, nakapanimaho na sila nga kini dili makalusot sa Commission on Appointments hinungdang nagduso na silang daan ug kandidatu gikan sa Caraga, ang rehiyon nga labing ma-apektuhan sa pagmina.
Tungod matud pa sa inisyatiba sa partido, nahumot na ang ngalan ni Tolentino sa Malacañang.
Gikatakdang magpagawas ug lig-on nga resolusyon ang partido atol sa ipahigayong Mindanao area conference nga pagatambongan sa mga regional president, isang-at ngadto sa taas nga kadumalahan sa PDP-Laban.
Samtang gipahayag usab sa opisyal nga si Gina Lopez na matud pa ang pinaka-nindto nga secretary sa DENR tungod sa daghang nadiskubrihan nga mga aktibidadis nga makadaot sa kinaiyahan bisan paman sa humubo nga panahon sa pagserbisyu.
Apan tungod kay majority sa miyembro sa CA, dunay ka-alyado man nga mga minero, seguradong lisud gyud kining makumpirma.
