BUTUAN CITY – Isip katumanan sa misyon nga maghatag og tabang ngadto sa katawhan pinaagi sa community outreach program, gidagsa sa kapin 300 ka mga bata ang ‘Operation Tuli’ nga gipasi-ugdahan sa Civil-Military Operations kon CMO sa 4th Infantry Division, Philippine Army dinhi sa Butuan.
Sigon ni 4th CMO battalion commander Lt. Col. Manuel Valdez IV, ang maong kalihukan ika-upat na sa sunod-sunod nga Oplan Tuli og medical mission nga gihimo sukad sa first quarter ning tuiga .
Nasayrang mi-abot sa 200 ka mga bata ang natuli sa barangay Tagabaka; 150 sa barangay Ong Yiu; 75 sa barangay Maon; og 100 usab ang mi-avail sa dental services.
Dugang pa ni Lt. Col. Valdez, naka-schedule na usab sa Mayo 10 ang himuong Operation Tuli sa barangay Bancasi, gawas nga manghatag usab sila og libreng medisina sa mga gituli. (Beth Ruiz)
