BUTUAN CITY – Dako ang pagpasalamat ni Jane Coquilla – training manager sa wrestling event sa Caraga Region Athletic Association sa kalampusang nakuha ni Merichar Morgado human nakakuha og gold medal sa maong event.
Sa eksklusibong pakighinabi sa Bombo Radyo, gipadayag niining dili siya makatuo sa performance ni Morgado ilabina nga kapin lang sa usa ka buwan gihimo nila ang subsob nga training.
Dili matud pa sila mulampos sa ilang kampanya kung wala ang suporta sa mga provincial officials sa ilang lalawigan kinsa mihatag kanila og moral ingon man financial support.
Tungod sa maong suporta, ilang nakuha ang trainer sa Asian Games nga maoy mihatag sa rigid training.
Aminado si Coquilla nga zero knowledge to magic ang nahitabo sa ilang koponan tungod kay ang tanan nilang gikuhang bata alang sa demo sa basics sa wrestling, wala’y kasayuran kalabot niini.
Apan tungod sa de-kalibreng trainer og referee nga ilang gikuha, resulta nga susama sa magic ang nahitabo. (Beth Ruiz)
