BUTUAN CITY – Disiplina sa kaugalingon ang nahimong yawe ni Merichar Morgado sa Surigao Department of Education kon DepEd-Surigao del Sur Schools Division aron masakmit ang medalyang bulawan alang sa wrestling 44-kilogram girls division.
Kini ang gipa-ambit sa garbo sa Caraga Regional Athletic Association kon CRAA dihang gikuhaan og ideya sa iyang nasakmit nga kada-ugan.
Sa eksklusibong pakighinabi ning sibyahan , gibutyag niining sa wala pa siya maka-abot sa Palarong Pambansa, subsob nga training ang iyang naagi-an nga halos mao na’y magtukmod kaniyang musurender tungod sa kahawoy nga iyang bation.
Apan ang kapursigido matud pa niya nga matabangan ang rehiyon nga makasakmit og kada-ugan hinungdan nga gipadayon niya ang iyang training.
Gihimo matud pa niyang inspirasyon ang iyang pamilya aron iyang matabangan og nadugang na niini ang tinguhang matabangang mapa-angat ang ranking sa Caraga region gikan sa agpangulahi sa nakalabay nga mga padula.
Aminado siyang gikulbaan siya sa final round apan ang iyang tinguhang makakuha og medalyang bulawan ang nagdasig kaniyang makuha ang iyang gipangandoy nga gi-ubanan pa niya og pag-ampo aron mawala ang iyang kakulbang gibati. (Beth Ruiz)
