BUTUAN CITY – Mas maayo ang performance sa mga delegado sa Caraga Regional Athletic Association kon CRAA sa ilang pagsalmot sa Palarong Pambansa 2017 didto sa Antique karong tuiga.
Kini ang assessment ni Joel Pelenio – head coach sa elementary division sa CRAA sa pakighinabi ning sibyahan, kung basehan lang ang latest medal tally nga ilang nakuha kagabii.
Nasayrang adiser sila nanguli og mibiya sa maong venue kagabii, mihakot og 33 ka mga medalya ang mga delegado sa Caraga Region nga gilangkuban sa pito ka mga medalyang bulawan, onse ka silver og 15 ka mga bronze medals.
Kini dako nang kalambuan kung ikumpara ning mi-aging tuig kondiin anaa sila sa ika-18 nga pwesto sukwahi karon nga misaka na sa ika-14.
Gawas niini, mas mitaas og maayo ang ihap sa gold medals nga nakab-ot ning rehiyon nga anaa na sa pito sukwahi sa tuig 2016 nga anaa lang sa usa ka medalyang bulawan ang ilang nakuha.
Ang maong kalambuan gikutay sa opisyal ngadto sa saktong training nga ilang gihimo og hugot nga preparasyon.
Samtang gibutyag usab ni Elizalde Bernales – information officer sa Department of Education kon DepEd-Caraga, wala’y problema sa ilang pagbiyahe sugod kagabii gikan sa Antique sakay sa bus ngadto na sa pantalan sa Cebu City padulong sa Cagayan de Oro City. (Beth Ruiz)
