BUTUAN CITY – Subling mi-ulbo ang tensyon tali sa duha ka partido sa lokal nga kagamhanan sa Cabadbaran City human nga wala mitungha sa regular session kagahapon ang lima ka mga konsehal nga kalinya ni Mayor Katrina Marie Mortola.
Gipadayag kini ni Konsehal Oliver Bulang human nagpakanaog og direktiba si acting City Vice Mayor mao si Leo dale Corvera ngadto sa ilang nga kapulisan aron sikupon ang unom ka mga konsehal nga wala mitambong sa sesyon nga gilangkuban nila Andy Ceniza, Jerich Cuasito, Leo Hongco, Arvin Balinos, og Christiano Danila.
Gipasabot ni Konsehal Bulang nga legal ang gihimo sa bise mayor tungod kay dili supak matud pa sa balaud nga tuyuon ang pag-absent aron lang wala’y matigayong sesyon.
Gika-ingong ang ila matud pang pag-absent, wala’y saktong hinungdan kansa sa ilang tan-aw, mahadlok matud pa nga makwestyon sa ilang gihimong special session niadtong Lunes.
Nasayrang gi-usa usa pagdalikyat sa mga pulis ang pinuy-anan sa maong mga konsehal aron sila sikupon sa tumong nga patambungon unta sa maong sesyon apan wala’y bisan usa nga nadala ang mga pulis.
Nasayrang nagsilbi karong OIC mayor sa maong siyudad si Konsehal Philip Ramirez human gitudlo ni acting mayor Rey Jamboy naka-leave, samtang nagsilbing besi mayor si Konsehal Leo Dale Corvera.
Nasayrang tungod sa kakulang sa quorum, wala’y nahimong sesyon kagahapon tungod kay lima lang ka konsehal ang mitunga. (Beth Ruiz)
