BUTUAN CITY – Muabot sa 403 ka mga pamilya ang nakadawat ug cash assistance gikan sa Department of Social Welfare and Development kon DSWD-Caraga ug sa lokal nga panggamhanan sa syudad sa Surigao.
Sa pakighinabi ning sibyahan, gibutyag ni Eunice Montaos-Plaza, regional information officer sa nasangpit nga buhatan, nga mukabat sa 9.7-milyones pesos ang ilang napagawas nga pondo ug gipang-apod-apod ngadto sa 403 ka mga pamilya nga nawad-an ug pinuy-anan tungod sa mitay-og nga kusog nga linog niadtong Pebrero 10 ning tuiga.
Sigon niini, ang maong cash assistance kabahin sa Emergency Shelter Assistance sa gobyerno ngadto sa mga nawad-an ug pinuy-anan sa maong syudad human sa maong linog kondiin mukabat sa tag- 24-mil pesos ang nadawat sa matag pamilya nga benipisyaryo niini. (Mon Aplaya)
