BUTUAN CITY – Misaad si Environment and Natural Resources Secretary Gina Lopez ngadto sa mga residente sa lungsod sa Rosario, Agusan del Sur nga palambuon ang concession area sa Philsaga Mining Corporation kon PMC tungod kay ideal matud pa kini alang sa eco-tourism development.
Gibutyag sa kalihim nga magtambayayong ang gobyerno og ang PMC aron kini mariyalisar og magamit pa ang Social Development and Management Program (CDMP) og ang Corporate Social Responsibility kon CSR sa nasangpit nga lalawigan.
Gipadayag kini ni Lopez human ang pagsusi niya sa concession area sa nasangpit nga kompanya.
Nasayrang plano ni Lopez nga ikonberter ang maong area og tawgong “Butterfly Garden.”
Gilantaw sa DENR secretary ang 50-milyunes pesos nga CDMP og CSR budget sa PMC alang sa eco-base community program.
Una nang gidayeg sa kalihim ang environment preservation og protection apil na ang greening program sa maong kompanya dayong awhag sa management niini nga ipadayon ang ilang pagtanom og mga kahoy ilabina ang kawayan.
Giklaro niini ngadto sa mga residente palibot sa nasangpit nga lugar gawas nga makabaton sila og panginabuhian, dako pang tabang ang pagpananom og kawayan samtang mitabang kini sa pagpalambo sa ekonomiya sa lalawigan. (Beth Ruiz)
