BUTUAN CITY – Gusto ni Kapitan El Rosal sa Brgy. Sto. Niño ning siyudad nga ihunong una ang nagpadayong quarry operations nga gihimo sa permitee nga si Francisco ‘Boy’ Pabellore sa ilang barangay bitbit ang permit gikan sa probinsyal nga panggamhanan.
Kini tungod na usab sa pipila ka mga isyu apil na income nga makuha gikan sa maong operasyon ilabina sa taud-taud na nilang isyu sa boundary conflict.
Sigon ni Sto. Niño Brgy. Captain El Rosal, nasulod sa ilang barangay ang quarry site ilabina kung hisgutan ang karaang tax declaration og ang political boundary ning siyudad.
Kini wala pa’y labot kung hisgutan ang uban pang mga basehan ilabina sa nasabutan tali sa ilang barangay og sa Brgy. Balang-Balang sa RTR, Agusan del Norte.
Sigon sa opisyal, wala siya’y supak sa gipasi-atab nga rason sa pag-quarry nga alang matud pa sa pagpalawom sa suba tungod kay ang iyang gipalagan mao ang kawala’y bahin sa ilang barangay sa kitaon gikan niini.
Misamot ang panghingusog ni Kapitan Rosal nga mahunong ang maong operasyon human nasayran nga wala makakuha og clearance ang permittee gikan sa National Irrigation Administration kon NIA. (Beth Ruiz)
