BUTUAN CITY – Gitagalan na og duha ka buwan ni Department of Environment and Natural Resources kon DENR Sec. Gina Lopez ang Manila Mining Corporation sa Placer, Surigao del Norte aron sulbaron ang ilang problema sa acidity level sa tubig sa ilang open pit mine.
Kini human niya gibisita ang maong kompanya kagahapon isip pagsanong sa hangyo sa mga residente ilabina sa mga mangingisda kinsa nabalaka nga posibleng mulanap sa residential area o kaha sa dagat ang acidic water higayong mag-ulan kansa delikado ilabina sa mga mangingisda.
Samtang gidayeg ni Sec. Gina Lopez ang engineering works sa dam nga gipanag-iyahan sa PHILSAGA Mining Corporation sa lungsod sa Rosario, lalawigan sa Agusan del Sur dihang iya kining personal nga giduaw kagahapon.
Gibutyag sa kalihim nga giduaw niya ang maong minahan base na sa reklamo sa mga residente kinsa nabalaka nga posibleng mupadulong kanila ilabina sa kasikbit nga tunghaan ang natigom nga tubig sa maong dam higayong kini mahugmak.
Migawas usab sa third party audit nga magnitude 7 quake resistant ang maong dam. (Beth Ruiz)
