BUTUAN CITY – Sa tumong nga ma-promote ang dakbayan sa Butuan isip usa sa mga nag-unang tourist destination, dili lang sa Pilipinas kundi sa tibook kalibutan, gi-imbitar sa lokal nga kagamhanan sa Butuan sa pagpanguna ni Mayor Ronnie Vicente Lagnada ang tanang pribado ug pampublikong opisina, barangays ug eskwelahan sa pag-apil sa Balangay Float Parade Competition isip kabahin sa kasaulugan sa 29th Balangay Festival sa sunod bulan, Mayo 2017.
Lakip sa mahimong mechanics sa boat/float parade mao ang musunod: Ang konsepto o tema sa float magdepende sa appearance sa Balangay boat.
Ang float kinahanglan dili mosobra sa multicab ang kagamayon ug elf ang kadakoon nga dunay katas-ong dili molapas sa 12 ka tiil ug dili mo-ubos sa 9 ka tiil diin ang makasupak niini dunay penalty nga lima ka puntos nga deduction sa total score sa tanang huradu.
Ang Contestant dunay option sa pagmugna sa ilang floats base sa ilang kaugalingong panglantaw ug ang sakyanan kinahanglang anaa sa maayong condition.
Mag-assemble ang tanang sakyanan sa North Montilla Boulevard pasado alauna sa hapon ug muparada kini sa North Montilla Boulevard, J.C. Aquino Avenue ug matapos sa City Sports Complex. Ang Entries sa float competition makompirma sa dihang madawat sa secretariat ang na-kumpleto na nga registration form.
Ang Floats kinahanglang mapinalang-gaon sa kinaiyahan. Ang contestant mahatagan sa ilang float number human sa pagsubmite sa registration form.
Ang number kinahanglang e-printa sa 2 feet x 3 feet placard ug ibutang sa float kauban ang mga ngalan sa partispante.
Ang disesyun sa huradu, usa ka final ug dili na mausab pa.
Samtang ang criteria sa judging sa boat/float contest mahimong 50 percent sa craftsmanship, 25 percent sa tema ug 25 porsiento sa impact.
Ang ganti sa grand winner muabot sa 150-mil pesos. Ang Second prize winner makadawat ug sien mil pesos u g 75-mil pesos usab sa third prize winner ug dunay 5 ka mga Consolation prizes nga tag-20-mil pesos.
