-- ADVERTISEMENT --
BUTUAN CITY – Ipa-ilalom sa otopsiya ang patay’ng lawas sa usa ka minor-de-edad aron masayran ang hinungdan sa iyang kamatayon human kini napalgan pasado alas-8:25 kagahapon sa buntag sa usa ka residente nga naglutaw na sa sapa sa Purok 6, Brgy. Ampayon ning siyudad sa Butuan.
Naila ang biktimang si Anghel John Quiban, 15-anyos og residente sa maong lugar. Sigon sa inahan niining si Benita, posibleng na-anod ang biktima sa kusog nga sulog sa tubig dihang mikusog ang ulan ning mi-aging adlaw.
Nasayrang anad nang mutabok sa suba ang biktima apan posibleng wala na niini makaya pa ang kusog nga sulog sa tubig hinungdan sa iyang kamatayon. (Beth Ruiz)
