BUTUAN CITY- Laing pagpamusil na usab ang nahitabo sa Cabadbaran City sakop sa probinsiya sa Agusan Del Norte diin pinaka-ulahing biktima niini usa ka pulis.
Natigayon ang pagpamusil karun lang hapon tungod sa Cabadbaran City hall diin nakabsan sa kinabuhi ang biktimang si PO3 Rodel Monteza, 36-anyos, menyu nga taga Barangay Donya Rosario lungsod sa Tubay ug na-assigned sa Tubay Municipal Police Station.
Base sa pagsaysay sa iyang igsoon nga si Glen, mamalit lang untana sila ug gamit alang sa kasaulugan sa adlaw’ng natawhan sa anak sa biktima sunod adlaw.
Nagmanehu matud pa ang biktima sa iyang single motor samtang siya sa side car sa dihang kalit nga gipusil sa wala mailang riding intandem nga mga suspetsado.
Dali nilang gidala ang biktima sa pribadong ospital sa Butuan City apan gideklara na kining Dead on Arrival tungod sa nahiagum nga 2 ka samad pinusilan sa lawas.
Nasayrang wala pay usa ka semana sa dihang nabiktima sa pagpamusil sa maong siyudad ang usa ka babaeng engineer kansa walay swerteng nakabsan usab sa hinulamang kinabuhi.
Apan adiser paman niini, daghang pusil na ang natigayon sa dakbayan diin hangtud sa karun wala pa nahatagan og kasolbaran.
